Ami-nia Konsellu

Learn more about the Xanana Gusmão Reading Room Board

Membru Konsellu sira Francisca Maia, Mara Bernardes, Sandra Gusmão no João Martires hamriik hamutuk ho Jestór Sala Leitura, Gaspar Freitas, no Prezidente, Kirsty Sword Gusmão hamutuk ho “Tuk Tuk” koor kinur nabilan. Tuk Tuk ida ne’e sei nakfilak ba biblioteka movel iha tinan 2020 no sei lori livru no anima labarik sira iha kapitál Dili.

RESPONSABILIDADE KONSELLU SIRA NIAN HAKTUIR BA LEGALIDADE NO KONSTITUISAUN

Dalan ba Konsellu Sala Leitura atu kumpri ninia responsabilidade legál no governasaun nian maka hatuur diresaun, polítika, prioridade sira no prestasaun espetativa, liu husi antisipa situasaun no sirkuntasia sira ne’ebé mak bele fó impaktu negativu ba iha atinjimentu mak determina tiha ona liu husi halo monitorizasaun ba prestasaun no asegura atinjimentu hirak ne’e konsistente ho planu sira mak trasa tiha ona.

ESTRUTURA GOVERNASAUN

  • Patrona no Prezidente Konellu mak Kirsty Sword Gusmão
  • Membru Konsellu sira hetan nomeasaun (mandatu ba tinan rua)
  • Konsellu mak hili painel konsultivu
  • Konsellu hili Jestór ida ne’ebé mak sei rekruta funsionáriu sira, kontratór no voluntáriu sira.
  • Konsellu mak iha responsabilidade aas liu hotu ba asuntu sira organizasaun nian. Membru konsellu sira mak responsabiliza hamutuk ba desizaun hotu-hotu mak fo sai husi Konsellu.

Responsabilidae Konsellu

  1. Jurídiku: atu garante katak Sala Leitura Xanana Gusmão kumpri rekezitu legais sira mak relevante no rekomendasaun husi kódigu laboral no lei nasionál sira seluk.
  2. Estratéjia no polítika: atu determina diresaun ba futuru no estratéjia Sala Leitura Xanana Gusmão nian. Ida ne’e inklui asegura katak organizasaun sei implementa ninia programa bazeia ba vizaun no misaun organizasaun nian, aprova objetivu anuál no diresaun programa anuál, tau matan no aprova orsamentu anuál haktuir ba prioridade sira, montorizasaun no avalia prestasaun.
  3. Akuntabilidade: responsabiliza funsionamentu hotu-hotu kona-ba Sala Leitura, inklui rekrutamentu jestór, aprovasaun no monitorizasaun ba planu finansa no orsamentu anuál, no jestaun aset.
  4. Relasaun komunidade: atu dezenvolve no mantén relasaun ho komunidade, doador no organizasaun sira.
  5. Jestaun Risku: atu identifika no entende risku sira ne’ebé mak bele afeta ba Sala Leitura no dezenvolve estratéjia ba mitigasaun.

PREZIDENTE KONSELLU

Kirsty Sword Gusmão mak fundadora ba Sala Leitura Xanana Gusmão no Prezidente ba Sala Leitura no Fundasaun Alola. Nia mak Embaixadora Boa-Votande ba Edukasaun Timor-Leste nian no iha paixaun ba kna’ar sira kona-ba edukasaun, literasia, livru no aprendizajen ba sidadaun sira hotu nia moris di’ak no saudavel. Ninia livru favoritu mak “The Book Thief” husi Marcus Zusak.

João Martires: Operations & Finance Manager – To’os ba Moris Diak-Farming for Prosperity, an agricultural livelihoods programme funded by the Australian government’s aid programme in Timor-Leste. Studied at the Central Metropolitan College and the University of Western Australia. His favourite books are “Catch-22” by Joseph and “Heller and Papillon” by Henri Charrière.

Dulce de Jesus Soares: Eis-Ministra Edukasaun, Juventude & Desportu. Eis-Vise Ministra ba Edukasaun Pre-eskolár no Edukasaun Báziku no Eis-Vise Ministra ba Edukasaun. Dulce de Jesus Soares hetan ninia Baxeralatu iha edukasaun husi Universidade Udayana Bali, no ninia amtreadu iha area dezenvolvimentu komunidade internasionál husi Universidade Victoria, Australia. Hafoin hanorin Inglés ni hetan esperiensia barak iha area dezenvolvimentu rejionál no planeamentu, Sra. Soares servisu nu’udar Ofisial Nasionál ba Programa iha UNICEF. Nia halo kolaborasaun ho parseiru internasionál sira atu dezenvolve lei no polítika atu garante direitu labarik sira, inklui estabelese Komisaun Nasionál ba Direitu Labarik sira nian. Livru ne’ebé mak nia fó influensia maka’as ba ninia servisu maka “Learning from Singapore: The Power of Paradoxes” husi Pak Tee Ng.

Ilidio Ximenes da Costa: Embaixador RDTL iha Rai Japaun, Eis-Sekretáriu Estadu ba Treinamentu Vokasionál no Polítika ba Empregu (2012 – 2017), Asesór Nasionál Edukasaun Sívika no Programa Mediasaun iha Sekretáriu Estadu ba Seguransa (Fev – Juñ 2012), Fasilitadór UNDP ba Programa Reintegrasaun Komunidade iha IDP’s/Kampu Refijiadu (2010), Konsultór iha Asian Development Bank (2011): dezeñu modulu treinamentu kona-ba informasaun, edukasaun no komunikasaun ba Diresaun Nasionál ba Fornesimentu Bee no Sanitasaun iha Ministériu infraestrutura no Telekomunikasaun, Fasilitadór no Treinadór (2010 – 2011) iha Asia Foundation, Vise-Diretór ba Micro Matchmaking no Relasaun Públiku (2009 – 2010) no Micro Match making Associate (2007 – 2009) iha Peace Dividend Trust, Koordenadór Programa Nasionál (Abr – Out 2007) ba integrasaun feto sira nia vida polítika no halo desizaun iha United Nation Fund for Women, Ofisial-Senior ba Programa apoiu eleitorál no governasaun lokál (Oct 2005 – Sep 2007) no Ofisial Programa ba advokasia síviku no monitorizasaun (Out 2004 – Set 2005) iha National Democratic Institute (NDI) ba asuntu relasaun internasionál, Treinadór ba Integrasaun Bee no Jestaun Rekursu (2005) iha Asian Development Bank (ADB), Dosente Senior (2003 – 2004) iha Universidade Dili (UNDIL) no Dili Institute Technology (DIT), Asistente Diretór (1998 – 2000) Jestór Projetu ba Small Activity Scheme (1998) iha ONG lokál Yayasan Bia Hula. Hala’o estudu iha Unversidade Sanata Dharma, Yogyakarta, Indonesia, Fakultdade Pedagójiku no Treinamentu Profesores. Ninia livru favoritu mak “Pedagogy of the Oppressed” husi Paulo Freire.

Sandra Gusmão: Espesialista Edukasaun iha UNICEF, Eis-Espesialista Edukasaun iha United Nations Children’s Fund. Hala’o estudu iha Massey Palmerston North, Nova Zelandia. Ninia livru favoritu mak “The Apartment” husi Danielle Steel ho “The Handmaid’s Tale” husi Margaret Atwood.

Mara Bernardes: Assesora ba STAE, Projetu Eleitorál – LEARN iha UNDP Timor-Leste; hala’o estudu iha Universidade Aveiro, Portugal. Ninia livru favoritu mak “The Little Prince” husi Antoine Saint Exupery.

Sebastião da Costa e Silva: Artista Timor-oan mak koñesidu no na’in ba empreza lokál. Ninia livru favoritu mak “The Alchemist” husi Paulo Coelho no “Unlimited Power” husi Anthony Robins.

Francisca Maia: Halo-Filme no Asesora Senior ba Media, servisu nu’udar Repórter no Ánkora Notísia ba UN TV iha Misaun UNTAET. Hafoin Timor-Leste ofisialmente hetan ninia independénsia iha tinan 2002, nia servisu iha Televizaun Nasionál Primeiru – TVTL, nu’udar Produtora Programa Fitur no Ánkora Notísia, dadauk ne’e servisu nu’udar Asesora Senior ba Media ba Governu Timor-Leste. Nia mós hakerek no diriji premiada filme badak sira A LETTER TO MY MUM, DESIZAUN(DECISION) no ida ikus liu mak MENSAJEIRU (MESSENGER). Nia akaba Baxerelatu kona-ba Creative Media and Minor in Women Studies husi Universidade Hawaii iha Manoa nu’udar benefisiáriu ba East West Centre Fellowship, Matreadu husi Australian Development Scholarship konaba Film no Televizaun iha Victoria College of Arts, University iha Melbourne. Ninia livru favoritu mak “The Kite Runner” husi Khaled Hosseini.

Isabel Ximenes: Eis-Sekretária Estadu ba Arte no Kultura. Servisu nu’udar Ofisial-Senior ba Programa iha USAID (United States Agency for International Agency). Hala’o estudu iha University of Hull, United Kingdom. Ninia livru favoritu mak “The Central Liberal Truth: How Culture Can Change Politics and Save It from Itself” husi Lawrence H. Harrison.

Natalino Guterres: Konsultan iha Asian Development Bank Timor-Leste Resident Mission, Prezidente Hatutan, Eis-Diretór Ezekutivu iha Fundasaun CODIVA, hala’o estudu iha United Nations mandated University for Peace, University of Nottingham, Luther College, United World College Red Cross Nordic. Ninia livru favoritu mak “The Alchemist” husi Paulo Coelho.

Del Bovill: Asesora Biblioteka, BA Newcastle, Grad Dip LibInf University of Technology, Sydney. Hala’o kna’ar oin-oin iha biblioteka públiku sira iha Australia no Nova Zelandia. Asesora ba Jerensiamentu Rekrusu SLXG ho Volunteer Service Abroad (VSA) Dili, 2013-2016. Nia gosta tebes lee livru hotu-hotu ne’ebé mak hakerek husi Barbara Kingsolver, Helen Garner no Patricia Grace, eskritór ekselente na’in tolu ne’ebé mak hakerek livru ho jenre fiksaun no naun-fiksaun.

Jenny Coles: Jerente empreza sira ho esperiensia tinan tolu-nulu iha estabelesimentu relasaun produtivu ho parseiru sira, kliente, doador no estudante sira iha aspetu dezeñu no implementasaun negosiu kreativu no inisiativu ba promosaun empreza. Atualmente, iha ninia kareira sai atensaun boot mak inklui tinan sanulu nu’udar Asistente Pesoal no Jerente Projetu ba Mana Kirsty Sword Gusmão. Ninia livru favoritu mak “A Dirty Little War” husi John Martinkus. Ninia introdusaun preimeiru no hatene di’ak kona-ba Timor mak rezistensia Timor-oan sira nian.

Hanrog Kang: Asosiadu Inovasaun, Big Innovation Center-UK , iha sekretáriadu ba UK All-Party Parliamentary Group on AI no hetan premiu Think Thank iha tinan 2018 husi Public Affairs PRCA Awards; Membru husi founding preparatory committee ba Fundasaun Roh Hoe-chan, fundasaun memorial ba reformista prominente polítiku-nain sira ema Korea Sul nian, Roh Hoe-chan; University Lecturer, Departamentu Medisina Umanidade no Siensia Sosial, Eskola Medisina, Unversidade Katólika Korea; Membru husi Clarendon Scholar, University of Oxford; Export advisor, Medipeace, Medical NGO; Co-director, 2012 Korea Humanitarian Festival ho UN no Columnist ba The Doctors. Ninia livru favoritu mak “The Stranger” husi Albert Camus.

Komite Traballu no Responsabilidade sira

  • Rekursu Umanu: Funsionáriu, voluntáriu, rekrutamentu, akonselkamentu, avalia dezempeñu.
  • Finansa: relatóriu, auditoria, administrasaun
  • Aset: inklui veíkulu, edifísiu no lojístiku: manutensaun, kuidadu ho di’ak kapital, jerensiamentu risku, saude no seguru vida, asuransia, arendamentu.
  • Governasaun: planu estratéjia, mitigasaun ba risku, polítika, jestaun parseria, konformidade ba asuntu legál no regulamentu governu.
  • Programasaun: parseria ba asuntu edukasaun, eventu sira, kalendáriu anuál, planu operasional.
  • Servisu Biblioteka no Muzeu: koleksaun ba biblioteka, koleksaun ba muzeu, loja livru, katalogasaun.
  • Angariasaun no Relasaun Públiku: komunikasaun, kria rede, prezensa online.

SLXG ninia Membru ba Komite Traballu

  • Rekursu Umanu: Sandra Martins, Del Bovill & Joao Martires.
  • Finansa: João Martires & Del Bovill.
  • Aset: João Martires, Ilidio da Costa & Sebastião Silva
  • GovernasaunKirsty Sword Gusmão & Jenny Coles.
  • Programasaun: Ester Correia (PHD – external), Ilidio da Costa, Francisca Maia, Mara Bernardes & Natalino Guterres.
  • Servisu Biblioteka no Muzeu: Mara Bernardes, Sebastião Silva & Francisca Maia.
  • Angariasaun Fundus no Relasaun Públiku: Kirsty Sword Gusmão, Ester Correia, Sandra Martins, Ilidio da Costa, Natalino Guterres, Mara Bernardes & Francisca Maia.

Kuadru Jurídiku Atual husi Sala Leitura Xanana Gusmão

  • Sala Leitura Xanana Gusmão formalmente rejistradu ho Minisétriu Justisa sai hanesan Fundasaun Nasionál, No 239/DNRN-MJ/IV/2015
  • Formalmente rejistradu ho Kontribuiente Repatriasaun Taxa no Númeru Identifikasaun Taxa (T.I.N.) 5002756
  • Formalmente rejistradu ho Forum Nasionál ONG Timor Lorosa’e (FONGTIL) Númeru Rejistu 307.
  • Formalmente na’in ba Rai no Properiedade liu husi kontratu arendamentu No 530.00164

Kuadru Mitigasaun ba Risku

Risku internál no esternál sei hala’o mitigasaun liu husi polítika governasaun. Hirak ne’e mak sai hanesan ‘sumbriña’ ne’ebé mak sei gia atividade operasional hotu-hotu. Tuir mai maka hatuur ona nivel polítika governasaun no parte husi kuadru mitigasaun risku nian.

  • Konstituisaun
  • Lista  Delegasaun
  • Arendamentu Rai no Propriedade
  • Inventáriu no Rejistu Aset
  • Polítika Uza Veíkulu
  • Polítika uza Internet Públiku no Komputador
  • Polítika Aluga Fatin
  • Polítika Dezenvolvimentu Koleksaun
  • Polítika Empréstimuu Biblioteka
  • Kontratu Funsionáriu sira nian haktuir ba Kódigu Laboral
  • Regra no Regulamentu Utilizador Bbilioteka no Rejistu Sai Membru
  • Polítika Angariasaun (esbosu)
  • Planu Estratéjiku (esbosu)
  • Polítika Finanseira (esbosu)
  • Matadalan ba Atendimentu Kliente (esbosu)
  • Rejistu Risku sira (tau ona iha planu)
  • Polítika Rekursu Umanu (tau ona iha planu)
  • Manual Operasionál