Asesu gratuita ba biblioteka, muzeu no espasu komunidade iha Dili, Timor-Leste.
Oras Asesu
Segunda-Sabadu: tuku 9 dadeer – tuku 5 lorokraik
Domingu : Taka
“Iha 2000, tinan ne’ebé mak ha’u harii Sala Leitura Xanana Gusmão, Timor-Leste hamriik fila fali hodi ninia kbiit rasik hafoin tempu naruk ho sofrimentu barak durante luta ba auto-determinasaun. Momentu ne’ebá ha’u hakarak tebes atu Sala Leitura ki’ik ida ne’e sai fatin ba ema hotu, liuliu ba foinsa’e sira, atu dekobre fali sentidu ka objetivu moris liuhusi livru no aprende hamutuk. Nune’e mós atu sira hetan esperansa no sentimentu orgullu ba sira-nia identidade rasik nu’udar nasaun foun ida iha sékulu 21! Mai hamutuk ho ha’u hodi esplora fatin espesiál ida ne’e.”
Kirsty Sword Gusmão
Fundadora, Xanana Gusmão Reading Room
Biblioteka
Ami-nia biblioteka iha Sala Leitura Xanana Gusmão loke ba públiku no sai nu’udar uma ba koleksaun livru wa’in tebes no materiál multimédia sira. Ami-nia koleksaun inklui livru/atividade ho tópiku oioin ba labarik sira. Ami-nia katalogu biblioteka mós bele haree online. Kliente sira ne’ebé mak mai iha biblioteka bele asesu internet gratuita no aprende kona-ba Timor-Leste ho ninia istória liuhusi ami-nia selesaun audio-vizual.
Muzeu
Muzeu iha Sala Leitura Xanana Gusmão sei fó biban ba ita-boot atu haksumik-an iha jornada istóriku Timor-Leste nian ba independénsia no selebra arte no kultura ohin loron nian. Mai vizita ami-nia espozisaun permanente no temporáriu husi artisita lokál no internasionál sira. Eventu no espozisaun oin-oin mak akontese iha muzeu iha kualker loron. Sei iha mós kombinasaun ho arte, múzika, kultura no asuntu aktualizadu. Mai vizita ami.
BOOK DISCUSSION “LITERARY WORK OF POETRY THROUGH SOCIOLINGUISTIC PERSPECTIVE”
DADA LIA KONA BA LIVRU “OBRA LITERARIA POEZIA HAREE HUSI PERSPETIVA SOSIOLINUISTIKA”
TERMINATION OF INTERN OF THE SCHOOL TECNICA INFORMATICA DE DILI (ETI-DILI)
ENSERAMENTU ESTAJIARIU ESCOLA TÉCNICA INFORMÁTICA DE DÍLI (ETI-DÍLI)
Mantén Kontaktu
Sala Leitura Xanana Gusmão iha fasilidade gratuita ba públiku mak hanesan biblioteka, muzeu no espasu ba komunidade iha Dili, Timor-Leste. Sala Leitura loke iha fulan Juñu 2000 husi fundadora Kirsty Sword-Gusmão ho objetivu atu oferese fatin seguru no nakloke ba ema hotu atu mai aprende no dezenvolve matenek – sai ona kultura ida ne’ebé mak ami kontinua tane aas to’o ohin loron iha ami-nia servisu hotu-hotu. Rejistu ba ami-nia buletin-notisia hodi aktualiza nafatin ho buat hotu ne’ebé mak ami hala’o.
Media Sosiál
