Muzeu iha Sala Leitura Xanana Gusmão koloka iha edifisiu furak husi tempu kolonial Portugés nian hatuur iha parte oin ne’ebé mak atrai ema sira atu mai vizita . Iha muzeu laran hatudu espozisaun permanente/semi permanente, inklui rekordasaun, prezente pesoal no informasaun kona-ba Xanana Gusmão. Muzeu ne’e mos oferese espasu ba artista lokál sira atu hatudu sira-nia objetu arte nian ba públiku. Ami-nia muzeu fó oportunidade ksolok wa’in no atu selebra arte hamutuk iha Timor Leste nune’e mós sai hanesan oportunidade ida hodi fahe matenek ba malu. Ita-boot bele haree buat barak tan kona-ba ami-nia espozisaun temporáriu no permananente iha kraik.