Série Semináriu kona-ba Prevensaun Covid-19 husi OMS

Date: March 20, 2020
Location: XGRR

Hodi responde ba sujestaun husi ami-nia kliente sira, ami kolabora ho Organizasaun Mundial Saúde (OMS) atu hala’o workshop semanal kona-ba prevensaun Vocid-19 ba públiku sira iha Sala Leitura Xanana Gusmão. Iha sesaun rua mak konsege hala’o iha ami-nia espasu ‘Uma Mahon’ ho partisipasaun barak tebes hiso públiku sira. Sesaun dahuluk hala’o iha loron 18 Marsu ho total partisipante na’in 94 ( mane 30, feto 64) no sesau daruak hala’o iha loron 20 Marsu ho total partisipante 56 (mane 21, feto 35), partisipante adisional mak ami-nia funsionáriu no voluntáriu sira.

Hafoin sesaun dahuluk nian, ami-nia funsionáriu no voluntáriu sira instala fasilidade ijiene iha ami-nia edifisiu atu nune’e ema hotu bele fasil atu asesu no ami sei enkoraja sira atu fase liman beibeik no molok no hafoin uza ami-nia fasilidade sira. Iha loron 19 Marsu, ami taka ami-nia edifisiu ba asesu públiku hodi fo tempu ba ami hamoos ekipamentu sira iha biblioteka no muzeu laran. Ami mós dezenvolve tiha ona regra foun sira atu gia ami-nia funsionáriu, voluntáriu no vizitante sira, iha momentu hanesan ami tau ona planu kontijensia ba ami-nia servisu fatin.

Edit |

Série Semináriu kona-ba Prevensaun Covid-19 husi OMS

Data: March 20, 2020
Hela Fatin: XGRR