Ohin sala leitura Xanana Gusmão simu vizita ida husi jornalista Nova Zelandia nian. Iha oportunidade ne’e jornalista refere la haluha halo ninia vizita ba espasu sira iha sala leitura. Buat ne’ebe mak importante iha vizita ne’e mak jornalista ne’e hakarak dada lia ho jovem Timor oan sira hodi dada lia no intervista jovem sira kona ba jovem sira nia hanoin ba dezenvolvimentu Timor Leste nian, dezafiu sira ne’ebe mak jovem sira infrenta, no mos jovem sira nia susesu iha futuru. Iha diskusaun ne’e hetan partisipasaun barak husi jovem sira, I sira idak-idak hato’o sira nia prekupasaun no mos sira nia dezafiu. Por exemplo kona kampu de trabalho ne’ebe mak minimu liu iha Timor Leste. I jovem sira ne’e ezizi ba governu atu loke tan kampu de trabalho hodi nune’e bele hamenus numeru desemprego. I Jovem sira ne’e mos hatete katak, bainhira sira ramata eskola sira la hetan servisu no loron sira mai vizita Sala Leitura Xanana Gusmão hodi nune’e bele hetan informasaun ruma liu husi asesu internet no le’e jornal sira ne’ebe mak prepara ona iha Sala Leitura. Ho nune’e sira kontente tebes tamba Sala Leitura bele ajuda ona sira hodi hafasil sira hetan informasaun ruma iha Timor Leste.
New Zealand Journalist visits XGRR
